Halamang tumutubo sa maling panahon
Pagkakataon ang dito ay tutugon
Magpapatuloy ba sa kanyang pagyabong
O kaya’y susuko, hindi maglalaon
Pagmamahal ko’y tulad ng isang halaman
Pag iningatan mo ito ay tatagal
Balewalain mo’t kusang mamamatay
Takipsilim ang katulad sa kanyang pagdatal
Lagi mong tandaan pusong sinaktan
Napupuno rin at natututong lumaban
Pagmamahal dito’y nawawalan ng saysay
Dahil na rin sa iyong pusong salawahan
Puso ay nangarap sayo ay nagmahal
Kahit ‘sang sandali iyong naramdaman
Ngunit nagkunwari ako ay nalinlang
Sayang na pag – ibig sa iyo ibinigay
Sa iyong alaala, nagpapasalamat
Sa katotohanan, ako’y iminulat
Dito sa puso ko nag – iwan ng bakas
Dito sa gunita magsisilbing wakas.
- Suzane